القراءة السريعة المتطورة ببساطة يعني

( استيعاب الكلمات المكتوبة بسرعة)

وهي مهارة بيتم اكتسابها بعد التدريب عليها بتقنيات معينة، توصل بيها إنك تقدر تسرع قرائتك، مع زيادة نسبة استيعابك

بنهاية الكورس هتكون قادر على قراءة وفهم كتاب كامل متوسط ٢٠٠ صفحة، في حدود ساعة واحدة فقط

وهتكون اتعلمت ١٧ تمرين مختلف للاستيعاب، مع تمرينات لزيادة التركيز، وغيرها

أنا محمد شاكر

بشتغل في مجال التدريب والتطوير الشخصي والإداري من ٢٠٠٩ ولحد دلوقتي

ماجستير إدارة الأعمال

دربت الناس على مهارة القراءة السريعة لأكثر من ١٤ سنة لحد دلوقتي، ومن أكثر من ٣٠ جنسية ودولة مختلفة، في كل مكان في العالم

غير شغلي في مجال التدريب والاستشارات الإدارية لأكبر الشركات والهيئات في مصر والعالم العربي

حلو أوي السؤال ده، وخليني أجاوب عليه بشكل منهجي

علشان نتدرب على القراءة السريعة، محتاجين نشتغل على أكثر من جزء

أولاً، العين، باعتبارها هي وسيلة الإدخال الأساسية للكلمات، فبنشتغل على توسيع مجال رؤية العين الجانبي والرأسي

وسرعة التقاط الكلمات والرموز والأرقام

سرعة حركة العين

المؤشر لتحديد حركة العين

وتمرينات أكتر خاصة بزيادة قدرة العين على ادخال الكلمات للعقل

ثانياً : العقل

عقلنا ربنا خالقه فيه إمكانيات كبيرة جداً، وللأسف مش بنستغلها

بنتدرب على طرق تخلينا نستغل جزء أكبر من الرمكانيات الموجودة بالفعل في العقل، وبنتدرب على ١٧ تمرين مختلف للاستيعاب، غير تمرينات التركيز، وتمرينات التوازن والتناغم بين أجزاء العقل للوصول لأفضل مستوى استيعاب

ولو نزلت تحت في الصفحة هتلاقي تفاصيل أكثر عن عدد التدريبات اللي بنشتغل بيها في الكورس

الكورس حالياً متاح أونلاين مسجل من خلال الموقع هنا

مصور فيديو عالي الجودة من داخل القاعة، بمونتاج يخليك كإنك قاعد جوه القاعة مع المتدربين

ومعاه ملف المادة العلمية، بتقدر تحمله، وتطبعه، وتطبق فيه التمارين بالتوازي مع الفيديوهات

الكورس مصور من داخل القاعة، بواقع ٢٠ ساعة تدريبية مقسمة على ٤ أيام

بعد المونتاج، عدد الساعات بيقل شوية بعد قطع الاستراحات وأوقات التأخير

تقدر تقسم عدد ساعات الكورس حسب وقتك المناسب، وتقدر تخلصه في ٤ أيام، الأمر راجع ليك ولوقتك

بنهاية الكورس، وباعتبار إنك بتطبق كل التمرينات بالظبط، فأنا أضمن لك (إكتساب) مهارة القراءة السريعة

أما (الإتقان) فده شيء بيجي بالممارسة المستمرة بعد الكورس

الموضوع عامل زي تعليم السواقة، أقدر أعلمك السواقة، وأخليك تتحرك بالسيارة في الشوارع، وبنفسك، بس اتقانك للسواقة مش هيجي إلا لما تسوق بنفسك كتير

رأيي العلمي والتدريبي هو (لا)

الأفضل عدم استخدام القراءة السريعة مع قراءة وحفظ القرآن

ولكن

بعض المتسفيدين من الكورس قدروا يطبقوها في قراءة وحفظ القرآن، ودمجوها مع القرآن باعتبارهم متخصصين وحافظين ومحفظين للقرآن

لكن أحتفظ برأيي، إنك لو عايز تستفيد من الكورس ده وهدفك الأساسي التطبيق في القرآن، فمش هيكون مناسب ليك

تقدر في حالات معينة

إن الكتب العلمية دي تكون في مجال تخصصك

إن مستوى الكتب دي سواء محتوى أو أسلوب تكون متعود عليه في القراءة العادية

بكده تقدر تطبق القراءة السريعة في الكتب التخصصية، إنما لو مش مجالك، ولا انت متعود تقرأ فيه، فمش هتكون مناسبة ليك

تقدر تطبقها مع أي لغة انت (متقنها) قراءة 

مش مع لغة إنت لسه عايز تتعلمها أو تتقنها

الكورس مصمم للكبار، ممن يتقنون القراءة بشكل كامل

يعني إيه

يعني لو إبن حضرتك عنده في حوالي ١٢ أو ١٣ سنة، ومعندوش مشاكل مع القراءة العادية، وبيقرأ بسهولة، الكورس هينفعه جداً

أما لو فيه مشكلة أو إنه غير متقن للقراءة، أو بيتهجى الحروف، فمش هيكون مناسب ليه